Kajian Fiqh (Safinah) tgl 22 September 2021

بسم الله الرحمن الرحيم
(فصل) شروط التيمم عشرة: أن يكون بتراب، و أن يكون التراب طاهرا، و أن لا يكون مستعملا، و أن لا يخالطه دقيق و نحوه، و أن يقصده، و أن يمسح وجهه و يديه بضربتين، و أن يزيل النجاسة أولا، و أن يجتهد فى القبلة قبله، و أن يكون التيمم بعد دخول الوقت، و أن يتيمم لكل فرض.

(Fasal) Ari syaratna tayamum sadayana aya 10:
1. Tayamumna ku taneuh (murni)
Saupamina sesah milarian taneuh, tiasa ngangge anu semisalna (debu, bubuk kenteng dll).

2. Taneuhna anu suci 
Urang kudu yakin kana kesucianna eta taneuh, sok sanajan pada kenyataanna eta teh najis (hukum anu diambilna nyaeta kayakinan).

3. Taneuhna lain urut make.
Taneuhna teh kudu bener² anu suci jeung ulah musta'mal/urut make. Boh urut make urang atawa batur.

4. Taneuhna ulah kacampuran ku tepung atawa sabangsana tepung.

5. Jalma anu tayamum kudu ngamaksud arek tayamum.
Samemeh urang manggihan jeung mindahkeun taneuh dina tempat nyokotna, urang kudu nganiatan ti awalna dina hate seja rek tayamum.

6. Ngusap kana raray jeung panangan dua usapan

7. Ngaleungitkeun heula najis samemeh tayamum.
Boh najisna mah mukhofafah, mutawasithoh atau mugholadoh.

8. Kudu ati² dina madep qiblat samemeh tayamum.

9. Ngalakukeun tayamumna saba'da asup waktu shalat.

10. Tayamumna pikeun hiji fardhu.
Teu meunang tayamum lohor dipake tayamum ashar, sabab tayamum anu lohor mah khusus pikeun lohor sok sanajan acan batal. Ngan lamun milampah pasunatan saatos shalat lohor, mangga sah-sah bae.

و الله أعلم بالصواب