بسم الله الرحمن الرحيم

و يجب فى حقه تعالى المخالفة للحوادث و معناه أنه تعالى ليس مماثلا للحوادث فليس له يد و لا عين و لا أذن و لا غير ذالك من صفات الحوادث و ضدها المماثلة و الدليل على ذالك أنه لو كان مماثلا للحوادث لكان حادثا وهو محال


Wajib Allah kasifatan Mukholafatu lilhawaditsi (Beda jeung sakabeh anu anyar). Ari ma'na (salab) mukholafatu lilhawaditsi nyaeta Sanyana Allah Ta'ala eta teu anu sarupa jeung anyar. Maka Allah teu aya panangan, soca, cepil jeung sajabana tina pirang² sifat anyar.

Ari lalawanan sifat mukholafatu lilhawaditsi nyaeta almumatsalah (silih sarupaan).

Ari dalil Allah wajib sifat mukholafatu lilhawaditsi nyaeta saenya Allah lamun silih sarupaan jeung anu anyar, tangtu Allah teh anyar, sedengkeun lamun Allah anyar teh hukumna Mustahil.


Sifat anu katilu tina golongan salabiah teh nyaeta mukholafatu lilhawaditsi (Teu silih sarupa jeung anu anyar).


Lafad Mukholafah (مخالفة) saupamina ditingal tina lafadna, eta ngabogaan bina' "Musyarokah" anu "Silih". Terus dina lafad lilhawaditsi (للحوادث) aya alif lam, anu ma'na alif lamna teh nyaeta "Alif Lam Istighroqil Afrodil Jinsi" maksudna Alif Lam anu ngaleungitkeun sakabeh anu berkaitan jeung hal sifat anyar secara rinci.


Anu jadi pembeda Allah jeung makhlukna nyaeta:

1. Allah teu narima makulat, sabab Allah lain 'Arodh jeung Jirim

2. Allah teu bisa dikira²keun, sabab lamun dikira²keun kasieunan timbul kamang²mangan jeung penggambaran anu anyar. 

3. Allah lain bagian jeung teu narima dibagi.

4. Allah teu nyicingan jeung teu dicicingan.

5. Allah lain 'Arodh anu cicing dina Jauhar.

6. Allah teu diliputi ku angkasa jeung Alam semesta.

7. Allah teu terikat makulat (أين) (Luhur, handap, hareup, tukang, kiri, kanan, jero, luar jsb.)

8. Allah teu kakurung ku zaman.

9. Allah teu bersemayam dina tempat.


Ari ma'na salab mukholafatu lilhawaditsi nyaeta Allah teu sarupa jeung anu anyar. 

Ari sifat lalawanan mukholafatu lilhawaditsi teh nyaeta almumatsalah (silih sarupaan).


Dalil Aqlina sifat Mukholafatu Lilhawaditsi nyaeta:


أنه لو كان مماثلا للخوادث لكان حادثا وهو محال

Saenyana Allah lamun bukti eta anu silih sarupaan jeung anu anyar, tangtu bukti Allah teh anyar. Jeung ari Allah anyar teh hukumna Mustahil.


Dalil Naqli sifat mukholafatu lilhawaditsi nyaeta:


ليس كمثله شيئ وهو السميع البصير

"Teu aya hal anu nyarupaan Allah, jeung Allah anu Nguping tur anu Ningali"

QS. Asy-Syuro:11


و الله أعلم بالصواب